(SAKSI NGAYON NEWS TEAM)

BARADO kay dating Executive Secretary Vic Rodriguez ang mga mambabatas na patuloy sa pagde-deny kaugnay sa mga blank item sa ipinasang bicameral report kaugnay ng 2025 national budget.

Sa kanyang Facebook live nitong April 1, ipinakita ni Rodriguez, tumatakbong senador ngayong May 2025 midterm election, ang mga

ebidensyang magpapatunay aniya na may mga item sa 2025 General Appropriations Act (GAA) o national budget ang walang pirma.

“Sasagutin ko lang ‘yong nagpapakalat ng fake news na wala raw basehan ang ating petisyon sa Korte Suprema questioning the constitutionality of 2025 national budget,” aniya.

Dito ay ipinakita niya sa kanyang viewers ang mga certified true copy ng nabanggit na papeles upang igiit na may basehan ang kanilang petisyon sa Supreme Court na muling busisiin ang national budget.

“Pakita ko lang po ulit ah, ‘yong bicameral committee report, ito po ‘yan, pirmado nakita naman po ninyo eh, pirmado,” anang Rodriguez habang ipinakikita ang isang pahina.

“Ang nandito naman ay napakaraming blangko,” ani Rodriquez sabay pakita ng pahina ng report na tinutukoy niya.

“Para lang ho, pangit kasi na magpa-gaslight po tayo eh, ‘yong pahintulutan natin sila na bilugin po ang ulo ninyo bagama’t ngayon po ay April 1, I don’t want you to be fooled by any member of Congress, na lumalabas ho sa pahayagan na wala raw pong basehan ‘yong atin pong petisyon pending before the Supreme Court,” patutsada pa ng dating executive secretary ng Marcos Jr. admin.

“Hayan po ang linaw-linaw, minarkahan ko na nga po, blangko eh, blangko ‘yan eh! There are 18 items na blangko, hindi ko na po ipakita sa inyo lahat, just some, just to refresh your memory…” dagdag ni Rodriguez.